पुणे ग्रामीणच्या शिक्रापूरमध्ये रस्त्याच्या वादातून दोन गटांत हाणामारी व सासवड येथे बोपगावात जागेच्या वादातून दगडाने हल्ला; तिघांविरुद्ध गुन्हा दाखल.

पुणे ग्रामीणच्या शिक्रापूरमध्ये रस्त्याच्या वादातून दोन गटांत हाणामारी व सासवड येथे बोपगावात जागेच्या वादातून दगडाने हल्ला; तिघांविरुद्ध गुन्हा दाखल.

पुणे, दि. 17 जुलै : पुणे ग्रामीण परिसरात दोन वेगवेगळ्या घटनांमध्ये गुन्हे दाखल झाले आहेत. शिक्रापूर पोलीस ठाण्याच्या हद्दीतील मुखई गावात रस्त्याच्या वापरावरून झालेल्या वादाचे रूपांतर हाणामारीत झाले, तर रांजणगाव येथे विवाहित महिलेचा छळ आणि मारहाण केल्याप्रकरणी तिच्या पतीविरुद्ध गुन्हा दाखल करण्यात आला आहे. 

शिक्रापूर येथील मुखई गावात शेताकडे जाणाऱ्या रस्त्याच्या वापरावरून दोन कुटुंबांमध्ये वाद निर्माण झाला. वाद विकोपाला गेल्यानंतर दोन्ही बाजूंनी शिवीगाळ, मारहाण आणि दगडफेक झाल्याची तक्रार पोलिसांकडे करण्यात आली. या घटनेत दोन्ही पक्षांनी एकमेकांविरोधात तक्रारी दिल्याने शिक्रापूर पोलीस ठाण्यात परस्पर गुन्हे दाखल करण्यात आले असून पोलिसांकडून दोन्ही बाजूंच्या तक्रारींची चौकशी सुरू आहे. 

पुरंदर तालुक्यातील बोपगाव येथे जागेच्या वादातून एका महिलेसह तिच्या कुटुंबीयांवर दगडाने व लाथाबुक्क्यांनी मारहाण करण्यात आल्याची घटना घडली आहे. या प्रकरणी धनराज फडतरे, अश्विनी फडतरे आणि भालचंद्र फडतरे यांच्याविरुद्ध सासवड पोलीस ठाण्यात गुन्हा दाखल करण्यात आला आहे. 

पोलिसांनी दिलेल्या माहितीनुसार, 16 जुलै रोजी सकाळी साडेसातच्या सुमारास फिर्यादी महिला आपल्या घरासमोरील परिसराची साफसफाई करत असताना आरोपी तेथे आले. जागा त्यांच्या नावावर नसल्याचे सांगत त्यांनी शिवीगाळ व दमदाटी केली. त्यानंतर धनराज फडतरे यांनी दगड मारून फिर्यादीला जखमी केले. भांडणादरम्यान फिर्यादीचा मुलगा आणि इतर कुटुंबीय मध्यस्थी करण्यासाठी आले असता त्यांनाही मारहाण करण्यात आली तसेच जीवे मारण्याची धमकी देण्यात आल्याचा आरोप तक्रारीत करण्यात आला आहे.

या घटनेनंतर पीडित महिलेच्या तक्रारीवरून सासवड पोलीस ठाण्यात  तिघांविरुद्ध गुन्हा दाखल करण्यात आला असून पुढील तपास सासवड पोलीस करत आहेत.