पुढील आठवड्यात होणार न्यूझीलंड दौऱ्यासाठी भारतीय संघाची घोषणा, प्रज्ञान ओझाच्या हाती असणार खेळाडूंचे भवितव्य
अजित आगरकर यांचा कार्यकाळ संपल्यानंतर प्रज्ञान ओझा यांच्या नेतृत्वाखालील अंतरिम निवड समिती पुढील आठवड्यात न्यूझीलंड दौऱ्यासाठी भारतीय संघाची घोषणा करेल.
भारतीय क्रिकेट संघाच्या आगामी न्यूझीलंड दौऱ्याबाबत क्रिकेट चाहत्यांची वाट पाहणे लवकरच संपणार आहे. भारताच्या या मोठ्या आणि महत्त्वाच्या दौऱ्यासाठी भारतीय क्रिकेट संघाची अधिकृत घोषणा पुढील आठवड्यात केली जाईल. बीसीसीआयची (BCCI) निवड समिती पुढील आठवड्यात एका विशेष बैठकीचे आयोजन करणार आहे, ज्यामध्ये न्यूझीलंड दौऱ्यासाठी तिन्ही फॉरमॅटच्या (टी-२०, एकदिवसीय आणि कसोटी) संघावर अंतिम शिफ्कामोर्तब केले जाईल.
यावेळी न्यूझीलंड दौऱ्यासाठी संघ निवड प्रक्रिया एका मोठ्या बदलादरम्यान होणार आहे. रविवार, ४ ऑक्टोबर रोजी बीसीसीआयचे मुख्य निवडकर्ता म्हणून अजित आगरकर यांचा कार्यकाळ अधिकृतपणे संपला आहे. त्यांचा करार संपल्यानंतर बीसीसीआयने एक अंतरिम व्यवस्था लागू केली आहे.
