एका वर्षासाठी शांतता राखण्याच्या अटीवर दीपके, सौरव आणि आशुतोष यांची सुटका ‘कॉकरोच जनता पार्टी’चे (CJP) नेते अभिजित दीपके, सौरव दास आणि आशुतोष रांका यांची २३ तास कोठडीत ठेवल्यानंतर रविवारी सकाळी १० वाजता सुटका करण्यात आली.
या तिघांना दिल्ली कॅन्ट येथील कार्यकारी दंडाधिकारी न्यायालयात हजर करण्यात आले होते. एका वर्षासाठी शांतता राखण्याच्या अटीवर न्यायालयाने त्यांची सुटका केली. दिल्ली पोलिसांच्या माहितीनुसार, या तिघांनी ५०,००० रुपयांचे जामीन बंधपत्रही (bail bond) सादर केले.
