NEET आंदोलनावर RAS अधिकाऱ्याची भावनिक पोस्ट; “विद्यार्थ्यांच्या आंदोलनाची बदनामी करू नका”
केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी दिल्लीत सुरू असलेल्या विद्यार्थ्यांच्या आंदोलनाच्या पार्श्वभूमीवर राजस्थान प्रशासकीय सेवेचे (RAS) अधिकारी पंकज ओझा यांनी सोशल मीडियावर भावनिक पोस्ट शेअर केली आहे. आपल्या मुलीचा फोटो पोस्ट करत त्यांनी विद्यार्थ्यांच्या आंदोलनाची बदनामी करू नये, असे आवाहन केले.
सामाजिक न्याय व अधिकारिता विभागाचे अतिरिक्त संचालक पंकज ओझा यांनी या पोस्टचा कोणत्याही राजकीय पक्षाशी किंवा समर्थन-विरोधाशी संबंध नसल्याचे स्पष्ट केले. “ही पोस्ट माझ्या लहान मुलीमुळे आहे. या घडामोडींमुळे ती खूप व्यथित झाली आहे,” असे त्यांनी म्हटले.
पुढे त्यांनी लिहिले की, “विद्यार्थी हे देशाचे भविष्य आहेत. ते निरागस आहेत आणि त्यांना आपल्या मागण्या प्रभावीपणे कशा मांडायच्या हेही अजून नीट माहीत नाही. ते धर्मेंद्र प्रधान यांच्या राजीनाम्याची मागणी करत आहेत, मात्र केवळ राजीनाम्याने प्रश्न सुटणार नाही. त्यांच्या जागी दुसरे कोणी येईल आणि पुन्हा तेच घडू शकते.” पंकज ओझा यांच्या या पोस्टची सोशल मीडियावर मोठी चर्चा सुरू आहे.
