PCMC आणि बेल्जियमच्या ल्युवेन शहरात शाश्वत विकासासाठी नवे सहकार्य — जागतिक पातळीवर मजबूत भागीदारीची दिशा!

पिंपरी-चिंचवड महापालिकेने (PCMC) आंतरराष्ट्रीय स्तरावर आपली ओळख अधिक भक्कम करत बेल्जियमच्या City of Leuven च्या India House संचालक गीर्ट रोब्बेरॅक्ट्स यांचे दोन दिवसांचे विशेष स्वागत केले. ३ आणि ४ डिसेंबर दरम्यान झालेल्या या भेटीत PCMC आणि ल्युवेन शहरामधील शाश्वतता, नवकल्पना, मोबिलिटी आणि औद्योगिक प्रगती याबाबत सखोल चर्चा झाली.

या भेटीमुळे PCMC च्या जागतिक सहकार्याच्या प्रयत्नांना मोठा वेग मिळाला असून, आंतरराष्ट्रीय प्रकल्पांमध्ये सहभागी होण्यासाठी महापालिकेची तयारी अधिक मजबूत झाल्याचे चित्र दिसत आहे.

🔹 महापालिकेच्या वरिष्ठ अधिकाऱ्यांसोबत सविस्तर चर्चा

या भेटीत गीर्ट यांनी PCMC चे प्रमुख अधिकारी—

• मुख्य अभियंता (१) व पर्यावरण विभाग प्रमुख संजय कुलकर्णी,

• संयुक्त शहर अभियंता व नागरी वाहतूक विभाग प्रमुख बापूसाहेब गायकवाड,

• Auto Cluster व PCSIC चे व्यवस्थापकीय संचालक किरण वैद्य,

• उद्योग सुविधा केंद्राचे प्रतिनिधी विजय वावरें,

• CSR सेल प्रतिनिधी श्रुतिका मुंगी
  यांच्यासह अनेक तज्ज्ञांशी संवाद साधला.

बैठकीत खालील मुद्द्यांवर भर देण्यात आला:
✔ PCMC ची वाढती औद्योगिक शक्ती
✔ महापालिकेचे सक्रिय मोबिलिटी प्रकल्प व सायकल-फ्रेंडली सिटी उपक्रम
✔ नव्याने स्थापन झालेल्या Sustainability Cell ची भूमिका
✔ शाश्वत शहरासाठी नागरिकांचा दीर्घकालीन वर्तनबदल

🔹 Auto Cluster ला भेट — स्टार्टअप्सचे काम पाहून प्रभावित

गीर्ट यांनी Auto Cluster परिसराला भेट देत स्टार्टअप्सशी संवाद साधला.
PCMC मधील इनnovation ecosystem, स्किल डेव्हलपमेंट आणि उद्योजकता विकास याबाबत त्यांनी विशेष समाधान व्यक्त केले.

ते म्हणाले, “PCMCचे शाश्वततेवरील प्रयत्न, औद्योगिक क्षमता आणि स्टार्टअप कल्चर प्रभावी आहे. भविष्यात आम्ही सहकार्य वाढवण्यास उत्सुक आहोत.”

🔹 PCMC च्या मोबिलिटी प्रकल्पांची प्रत्यक्ष पाहणी

भेटीच्या दुसऱ्या दिवशी गीर्ट यांनी PCMC च्या active mobility, सायकल ट्रॅक, शहरी वाहतूक सुधारणा यांची थेट पाहणी केली.

संयुक्त शहर अभियंता बापूसाहेब गायकवाड यांनी सांगितले की—
“लहान अंतरांसाठी नागरिकांनी वाहनाऐवजी पायी किंवा सायकलचा वापर करावा, यासाठी दीर्घकालीन वर्तनबदल आवश्यक आहे. या क्षेत्रात ल्युवेनचा अनुभव PCMC साठी मार्गदर्शक ठरेल.”

🔹 PCMC च्या जागतिक सहभागाचा नवा अध्याय

ही भेट Smart City Expo 2025, Barcelona दरम्यान IURC कार्यक्रमांतर्गत सुरू झालेल्या चर्चेचा पुढचा टप्पा आहे.
PCMC चे मुख्य अभियंता संजय कुलकर्णी म्हणाले—
“बार्सिलोना येथील चर्चांना सकारात्मक प्रतिसाद मिळत आहे. जागतिक शहरांबरोबर सहकार्य वाढवण्याची PCMC ची तयारी पुढील काळात अधिक वेगाने होईल.”