🚌 NCMC कार्ड सक्तीला ३० सप्टेंबरपर्यंत मुदतवाढ; एसटी प्रवाशांना दिलासा
मुंबई : १६:सप्टेंबर
महाराष्ट्र राज्य मार्ग परिवहन महामंडळाने (MSRTC) एसटी बस प्रवाशांसाठी NCMC (नॅशनल कॉमन मोबिलिटी कार्ड) कार्ड सक्तीची मुदत वाढवली आहे. यापूर्वी १४ सप्टेंबर २०२६ पासून NCMC कार्डच्या माध्यमातून सवलतीचे तिकीट घेणे बंधनकारक करण्यात आले होते. आता ही मुदत ३० सप्टेंबर २०२६ पर्यंत वाढवण्यात आली आहे.
१ सप्टेंबरपासून NCMC कार्डच्या सक्तीची अंमलबजावणी सुरू करण्यात आली होती. मात्र, कार्ड नोंदणी तसेच तांत्रिक प्रक्रियेत काही अडचणी निर्माण झाल्याने प्रवाशांची गैरसोय होत होती. त्यामुळे एसटी महामंडळाने सक्तीच्या मुदतीत वाढ करण्याचा निर्णय घेतला आहे.
३० सप्टेंबरपर्यंत प्रवाशांना जुन्या पद्धतीने सवलतीचे तिकीट मिळणार आहे. म्हणजेच NCMC कार्ड उपलब्ध नसलेल्या किंवा नोंदणी प्रक्रियेत अडचणी येणाऱ्या प्रवाशांना पारंपरिक ऑफलाइन पद्धतीने सवलतीचे तिकीट घेता येईल.
दरम्यान, ज्या प्रवाशांकडे आधीपासून Active NCMC कार्ड आहे, त्यांनी सवलतीचा लाभ घेण्यासाठी कार्डच वापरावे, असे एसटी महामंडळाकडून स्पष्ट करण्यात आले आहे. ३० सप्टेंबरनंतर NCMC कार्डच्या वापराबाबत पुढील नियम लागू होण्याची शक्यता आहे.
प्रवाशांसाठी महत्त्वाचे :
NCMC सक्तीची सुधारित अंतिम मुदत : ३० सप्टेंबर २०२६
३० सप्टेंबरपर्यंत पारंपरिक पद्धतीने सवलतीचे तिकीट उपलब्ध
Active NCMC कार्डधारकांनी कार्डद्वारेच सवलत घ्यावी
