गुलाबराव पाटील यांनी एकनाथ शिंदे पुन्हा मुख्यमंत्री होतील असा विश्वास व्यक्त करत दसरा मेळाव्यात एक धाडसी विधान केले आहे. महाराष्ट्राच्या राजकीय वर्तुळात
मुख्यमंत्रीपदाबाबतची चर्चा पुन्हा एकदा तीव्र झाली आहे. दसरा मेळाव्यादरम्यान, एकनाथ शिंदे यांच्या नेतृत्वाखालील शिवसेनेचे मंत्री गुलाबराव पाटील यांनी असा दावा केला की, एकनाथ शिंदे पुन्हा एकदा महाराष्ट्राचे मुख्यमंत्री होतील. जळगाव येथे आयोजित एका मेळाव्यात बोलताना पाटील म्हणाले की, त्यांनी देवी जगदंबेकडे प्रार्थना केली आहे की, एकनाथ शिंदे पुन्हा मुख्यमंत्री व्हावेत आणि शेतकऱ्यांच्या जीवनात समृद्धी यावी.
