मुंबई, दि. २५ मार्च २०२६ — वारकरी परंपरेचा वसा जपत शिस्त, वेळेचे भान आणि अचूक व्यवस्थापन यासाठी जगभर ओळखल्या जाणाऱ्या मुंबईच्या डबेवाला व्यवस्थेचा गौरव करणाऱ्या ‘मुंबई डबेवाला आंतरराष्ट्रीय अनुभव केंद्रा’ला आज Ritu Tawade यांनी सदिच्छा भेट देत या अद्वितीय कार्यपद्धतीचा जवळून अनुभव घेतला.
वांद्रे (पश्चिम) येथील रिझवी महाविद्यालय परिसरात उभारण्यात आलेले हे केंद्र मुंबईच्या समृद्ध वारशाचे जिवंत प्रतीक ठरत आहे. या भेटीदरम्यान डबेवाला व्यवस्थेची कार्यपद्धती, त्यांचे नियोजन, वेळेचे काटेकोर पालन आणि अचूक वितरण प्रणाली याबाबत सविस्तर माहिती देण्यात आली.
“मुंबई डबेवाला म्हणजे केवळ सेवा नाही, तर ती विश्वास, शिस्त आणि परंपरेचे मूर्त रूप आहे,” असे मत यावेळी व्यक्त करण्यात आले. आधुनिक तंत्रज्ञानाच्या युगातही अत्यंत साध्या पद्धतीने जगातील सर्वात प्रभावी लॉजिस्टिक मॉडेल म्हणून डबेवाला व्यवस्थेने आपले स्थान निर्माण केले आहे, याचे विशेष कौतुक करण्यात आले.
या आंतरराष्ट्रीय अनुभव केंद्राच्या उभारणीत Devendra Fadnavis आणि Bharatiya MLA यांच्या मार्गदर्शनाचा मोठा वाटा असल्याचे नमूद करण्यात आले. त्यांच्या पाठिंब्यामुळेच हे जागतिक दर्जाचे केंद्र साकार झाले असून, यामुळे देश-विदेशातील विद्यार्थी, संशोधक आणि पर्यटकांना डबेवाला व्यवस्थेचा अभ्यास करण्याची संधी उपलब्ध झाली आहे.
या प्रसंगी नगरसेविका स्वप्नाली म्हात्रे, सायली कुलकर्णी, मुंबई टिफिन बॉक्स सप्लायर असोसिएशनचे अध्यक्ष रामदास करवंदे, सचिव किरण गवांदे, नूतन मुंबई टिफिन बॉक्स सप्लायर्स चॅरिटेबल ट्रस्टचे अध्यक्ष उल्हास मुके, सचिव विनोद शेट्टी, अनुभव केंद्राचे प्रतिनिधी सुबोध सांगळे तसेच डबेवाला संघटनेचे इतर मान्यवर उपस्थित होते.
कार्यक्रमादरम्यान डबेवाला बांधवांच्या कार्याचा गौरव करण्यात आला. त्यांच्या अथक परिश्रम, प्रामाणिकपणा आणि निष्ठेमुळे मुंबईची ओळख जागतिक स्तरावर उंचावली असल्याचे नमूद करण्यात आले.
या केंद्राच्या माध्यमातून मुंबईच्या या अनोख्या परंपरेला अधिक व्यापक ओळख मिळणार असून, पुढील पिढ्यांसाठी प्रेरणादायी ठरणार आहे. डबेवाला व्यवस्थेचा हा वारसा जपणे आणि पुढे नेणे ही सर्वांचीच सामूहिक जबाबदारी असल्याचे यावेळी अधोरेखित करण्यात आले.
