पिंपरी-चिंचवड भाजप युवा मोर्चातर्फे ‘नमो युवा रन’चे आयोजन

देशाचे पंतप्रधान नरेंद्र मोदी यांच्या वाढदिवसाच्या (१७ सप्टेंबर) निमित्ताने भारतीय जनता पक्षामार्फत ‘सेवा पंधरवडा’ साजरा करण्यात येत आहे. या उपक्रमाचा एक भाग म्हणून भारतीय जनता युवा मोर्चा पिंपरी-चिंचवड शहरात ‘नमो युवा रन – नशामुक्त भारत मॅरेथॉन स्पर्धेचे आयोजन २१ सप्टेंबर रोजी करण्यात येणार आहे.

या मॅरेथॉनचा मुख्य उद्देश समाजात नशामुक्तीचा संदेश पोहोचवणे, युवकांना आरोग्य व सामाजिक जाणिवांकडे वळवणे आणि पंतप्रधान नरेंद्र मोदी यांच्या कार्यशैलीप्रमाणे समाजासाठी सकारात्मक योगदान देण्यास प्रवृत्त करणे हा आहे.

आयोजनाची बैठक

या अनुषंगाने भाजयुमोचे प्रदेश सचिव व ‘नमो युवा रन’ अभियानाचे पिंपरी-चिंचवड शहराचे सहसंयोजक अजित कुलथे यांच्या मार्गदर्शनाखाली विशेष बैठक आयोजित करण्यात आली. या बैठकीत स्पर्धेच्या तयारीवर सविस्तर चर्चा झाली. उपस्थित पदाधिकारी व कार्यकर्त्यांना या मॅरेथॉन स्पर्धा यशस्वी करण्यासाठी आपली जबाबदारी पार पाडावी असे आवाहन करण्यात आले.

उपस्थित मान्यवर

बैठकीला भाजप युवा मोर्चाचे शहराध्यक्ष दिनेश यादव, संकेत चोंधे, प्रदेश सरचिटणीस (भटके विमुक्त आघाडी) प्रमोद परदेशी, राहुल खाडे, देवयानी भिंगारकर, सुधीर साळुंखे यांसह युवा मोर्चातील सर्व पदाधिकारी आणि कार्यकर्ते मोठ्या संख्येने उपस्थित होते.

अपेक्षित परिणाम

‘नमो युवा रन’ मुळे पिंपरी-चिंचवड परिसरातील युवकांमध्ये आरोग्य, सामाजिक बांधिलकी व व्यसनमुक्तीची प्रेरणा निर्माण होणार आहे. सेवा पंधरवड्याच्या माध्यमातून होणारा हा उपक्रम शहरात एक आगळावेगळा उत्साह निर्माण करेल, असा विश्वास आयोजकांनी व्यक्त केला आहे.