चाकण (पुणे) – महाराष्ट्र राज्यातील चाकण औद्योगिक क्षेत्र हे देशातील एक प्रमुख औद्योगिक केंद्र आहे. मात्र, गेल्या काही वर्षांपासून येथे प्रचंड वाहतूक कोंडी, उखडलेले रस्ते व अपूर्ण पायाभूत सुविधा यामुळे उद्योजक, कर्मचारी आणि स्थानिक नागरिक त्रस्त आहेत. या समस्यांचा गंभीरपणे विचार करून मुख्यमंत्री एकनाथ शिंदे व महायुती सरकारने आता चाकणसाठी विशेष उपाययोजना राबवण्यास सुरुवात केली आहे.
राज्य शासन, विभागीय आयुक्त, पुणे महाप्रादेशिक विकास प्राधिकरण (PMRDA) आणि स्थानिक यंत्रणा यांच्यात समन्वय साधून थेट खरेदी पद्धतीने लँडस्केपिंग, रस्ते सुधारणा आणि वाहतूक नियोजनाची अंमलबजावणी सुरू झाली आहे.
दरम्यान, पावसामुळे अनेक रस्त्यांवर पुन्हा खड्डे पडले असून, त्यामुळे वाहतूक कोंडी अधिक वाढली आहे. या पार्श्वभूमीवर PMRDA मार्फत रस्ते मजबुतीकरणाच्या कामांना गती देण्यात येत आहे. रस्ते सुधारले की वाहतुकीचा अडथळा कमी होणार असून उद्योगांची कार्यक्षमता वाढणार आहे.
मुख्यमंत्र्यांच्या मार्गदर्शनाखाली ही कामे जलदगतीने पार पाडली जात आहेत. तसेच भाजप महायुती सरकारने “सतत जनतेचा विश्वास आणि टिकावू विकास” या संकल्पनेवर भर देत नागरिकांचे जीवनमान सुधारण्याचा निर्धार व्यक्त केला आहे.
चाकण MIDC क्षेत्रातील ही समस्या केवळ वाहतुकीपुरती मर्यादित नाही, तर ही महाराष्ट्राच्या औद्योगिक प्रतिष्ठेची बाब आहे. त्यामुळे या प्रकल्पाची अंमलबजावणी अत्यंत काटेकोरपणे व वेळेत करण्याचा आदेश देण्यात आला आहे. वाहतूक कोंडीला रामराम! चाकण औद्योगिक क्षेत्रात पायाभूत सुविधांसाठी महत्त्वपूर्ण पाऊल. मुख्यमंत्र्यांच्या पुढाकाराने PMRDA मार्फत रस्ते व लँडस्केपिंग कामांना गती
