बांगलादेशची राजधानी ढाका पुन्हा एकदा भीषण हिंसेच्या चुंगल्यात सापडली आहे. अवघ्या एका वर्षानंतर ढाक्यात वेगवेगळ्या भागांत झालेल्या सलग बॉम्बस्फोटांनी परिसर हादरून गेला असून नागरिकांमध्ये भीतीचं वातावरण पसरलं आहे. रात्री उशिरा झालेल्या या स्फोटांनंतर संपूर्ण शहरात दहशतीचे सावट पसरले असून सुरक्षा यंत्रणा हायअलर्टवर आली आहे.
कुठे झाले स्फोट?
अधिकृत माहितीप्रमाणे ढाक्यातील काही संवेदनशील परिसरात एकापाठोपाठ एक कमी शक्तीचे, पण नियोजनबद्ध बॉम्बस्फोट घडवण्यात आले. यामध्ये अनेक वाहनांचे नुकसान झाले असून काही नागरिक जखमी झाल्याची प्राथमिक माहिती आहे. स्थानिकांच्या म्हणण्यानुसार, “स्फोटांचा आवाज इतका मोठा होता की लोक घराबाहेर पळत सुटले. वातावरणात काळा धूर आणि गोंधळ पसरला.”
सुरक्षा दलांची धावपळ
ढाका महानगर पोलीस, रॅपिड ॲक्शन बटालियन (RAB) आणि बॉम्ब स्क्वॉड तात्काळ घटनास्थळी पोहोचले. परिसरात नाकाबंदी करून संशयितांची मोठ्या प्रमाणात तपासणी सुरु करण्यात आली आहे. सरकारने शहरभरात अतिरिक्त पोलीस आणि सुरक्षा पथके तैनात केली असून, सर्व महत्त्वाच्या ठिकाणांवर गस्त वाढवण्यात आली आहे.
संभाव्य कटाचा तपास सुरू
या स्फोटांची पद्धत आणि त्यांचे समन्वय पाहता सुरक्षा यंत्रणा यामागे सुव्यवस्थित मॉड्यूल किंवा अतिरेकी संघटना असल्याची शक्यता वर्तवत आहे. तपास यंत्रणा सीसीटीव्ही फुटेज, कॉल रेकॉर्ड्स आणि स्थानिक माहितीदारांच्या आधारे तपासाचा वेग वाढवत आहेत.
नागरिकांमध्ये दहशत
स्फोटानंतर ढाक्यातील अनेक बाजारपेठा, मॉल्स, सार्वजनिक चौक बंद करण्यात आले आहेत. लोकांनी घराबाहेर पडू नये असा सल्ला देण्यात आला आहे. एका स्थानिक महिलेनं सांगितलं — “या स्फोटांनी आम्हाला पुन्हा एकदा गेल्या वर्षीच्या हिंसेची भयानक आठवण करून दिली आहे. मुलं घराबाहेरही पडायला घाबरत आहेत.”
राजकीय तणावाची शक्यता
बांगलादेशात अलीकडेच राजकीय अस्थिरता वाढलेली असताना हे स्फोट घडल्याने परिस्थिती आणखी गंभीर होऊ शकते. काही तज्ज्ञांचा दावा आहे की हा राजकीय कट किंवा अतिरेक्यांचा संदेश असू शकतो.
