पुणे | पुणे शहराच्या पश्चिम भागातील नांदेडसिटी पोलीस ठाण्याच्या कार्यक्षेत्रात येणाऱ्या कोल्हेवाडी परिसरात ४ ऑगस्ट रोजी रात्रीच्या सुमारास घडलेल्या एका किरकोळ कारणावरून मोठा गुन्हा घडला. गाडी घासल्याच्या कारणावरून दोन गटांमध्ये वाद झाला व त्याचे पर्यवसान थेट हवेत गोळीबारात झाले. या घटनेमुळे संपूर्ण परिसरात भीतीचे वातावरण निर्माण झाले होते.
घटनेत हवेत तीन गोळ्या झाडण्यात आल्या, व संबंधित आरोपी घटनास्थळावरून फरार झाले होते. घटनास्थळाजवळ नागरिकांमध्ये भीती पसरली होती. परिस्थितीच्या गांभीर्याची दखल घेत वरिष्ठ पोलीस निरीक्षक श्री. अतुल भोस यांनी लगेच गुन्ह्याचा तपास सुरू करण्याचे आदेश दिले.
तपास आणि अटकेची कारवाई:
तपासादरम्यान पोलीस अंमलदार स्वप्नील मगर, बंटी मोरे आणि संग्राम शिनगारे यांना त्यांच्या गुप्त बातमीदारांकडून माहिती मिळाली की, आरोपी खडकवासला चौपाटी परिसरात थांबलेले आहेत. सदर माहिती वरिष्ठांना कळवून सहाय्यक पोलीस निरीक्षक राहुल यादव आणि त्यांचे पथक घटनास्थळी रवाना झाले.
स्थानिक परिसरात खात्री केल्यानंतर सहा संशयित इसमांना ताब्यात घेण्यात आले. तपासात स्पष्ट झाले की, हेच सहाही इसम फायरींग प्रकरणात सामील होते.
अटक आरोपींची नावे:
साहिल आरविंद चव्हाण (२४), रा. सप्तगिरी हाईट्स, खडकवासला
अभिजीत राजू चव्हाण (३१), रा. तिरुमल हाईट्स, कोल्हेवाडी
प्रशांत यशवंत चव्हाण (३४), रा. लमाणवाडी, खडकवासला
आकाश भीमा चव्हाण (२४), रा. तिरुमल हाईट्स, खडकवासला
गीतिश शंकर जाधव (२०), रा. नानाजी व्हिला, खडकवासला
मंदार यशवंत चव्हाण (३९), रा. लमाणवाडी, खडकवासला
गुन्ह्याची नोंद व कायदेशीर कारवाई:
या प्रकरणी नांदेडसिटी पोलीस स्टेशन येथे गु. रजि. नं. १५९/२०२५ नुसार खालील कायद्यान्वये गुन्हा नोंदवण्यात आला:
भारतीय न्याय संहिता २०२३ चे कलम: ११८(१), १८९(२), १८९(४), १९०, १९१(२), ३५१(२)(३), ३५२
आर्म्स अॅक्ट: कलम ३, २५, २७
क्रिमिनल ॲमेंडमेंट अॅक्ट: कलम ७
महाराष्ट्र पोलीस अधिनियम: कलम ३७(१) १३५
प्रभावी पोलिसी कारवाई:
सदरची धाडसी आणि अचूक कारवाई मा. अपर पोलीस आयुक्त (पश्चिम विभाग) श्री. राजेश बनसोडे, पोलीस उप आयुक्त परिमंडळ ३ श्री. संभाजी कदम, आणि सहाय्यक पोलीस आयुक्त (सिंहगड रोड विभाग) श्री. अजय परमार यांच्या मार्गदर्शनाखाली पार पडली.
कारवाई करणाऱ्या पथकात वरिष्ठ पोलीस निरीक्षक श्री. अतुल भोस, पोलीस निरीक्षक (गुन्हे) गुरुदत्त मोरे, सहा. पोलीस निरीक्षक राहुल यादव, पो.उ.निरीक्षक कसबे, आणि पोलीस अंमलदार संग्राम शिनगारे, स्वप्नील मगर, बंटी मोरे, मोहन मिसाळ, शिवा क्षीरसागर, भिमराज गागुर्डे, उत्तम शिंदे, निलेख कुलथे, अक्षय जाधव, प्रतीक मोरे, सतिश खोत, निलेश खांबे यांचा मोलाचा सहभाग होता.
नागरिकांचे अभिनंदन आणि पोलिसांकडून आवाहन:
पुणे पोलिसांनी वेळेवर केलेल्या अचूक कारवाईमुळे मोठा अनुचित प्रकार टळला. पोलिसांनी नागरिकांना आवाहन केले आहे की, अशा प्रकारच्या गुन्हेगारी कृत्यांची माहिती तातडीने पोलिसांना द्यावी आणि कायदा सुव्यवस्थेच्या राखणीत सहकार्य करावे.
