मुंबईतील वाढत्या उकाड्यात विजेची विक्रमी मागणी, पीक अवर्समध्ये ४२०० MW सुद्धा पडत आहेत कमी, जाणून घ्या का?
मुंबईत उन्हाळा मे-जुन महिन्यासारखा भासत आहे. कमाल तापमान ३६ अंश सेल्सिअसच्या जवळपास पोहोचले आहे. यामुळे विजेची मागणी सतत वाढते आहे. पीक आवर्समध्ये मागणी ४२०० मेगावॉटपेक्षा जास्त होत आहे. ही मागणी पूर्ण करण्यासाठी अदानी इलेक्‍ट्रिसिटी आणि टाटा पॉवरकडून वीज खरेदी केली जात आहे.
ऑक्टोबर महिन्यात मुंबईकर उकाडा सहन करत आहेत. गेल्या ५ दिवसांपासून वाढत्या उकाड्यामुळे मुंबईत विजेची मागणीही वाढली आहे. दररोज दुपारी विजेची मागणी ४२०० मेगावॉटच्या वर नोंदवली जात आहे. मंगळवारी दुपारी ३:५० वाजता मुंबईची पीक मागणी ४३५० मेगावॉट नोंदवली गेली. तर सोमवारीही दुपारच्या वेळी विजेची मागणी ४३०० मेगावॉट होती. शनिवार आणि रविवारची स्थितीही ४२०० मेगावॉटच्या वरच पाहिली गेली.
