बस कंडक्टर की UPSC ची परीक्षा? BEST च्या १० वी पास भरतीमध्ये विचारले नोबेल गॅस आणि शौकत अलींवर प्रश्न
मुंबईत बेस्ट (BEST) बस कंडक्टर भरती परीक्षेत अपेक्षेपेक्षा अत्यंत कठीण प्रश्न विचारण्यात आल्यामुळे उमेदवार थक्क झाले आहेत.
मुंबईत बस कंडक्टरच्या परीक्षेत असे काही प्रश्न आले, ज्यांची अपेक्षा परीक्षा द्यायला आलेल्या मुला-मुलींनी अजिबात केली नव्हती. या परीक्षेत आलेले प्रश्न शहरातल्या गर्दीच्या बसमध्ये काम करण्याच्या त्यांच्या क्षमतेची चाचणी घेण्याऐवजी, एखाद्या कठीण शैक्षणिक परीक्षेसारखे (Academic Test) वाटत होते.
बृहन्मुंबई इलेक्ट्रिक सप्लाय अँड ट्रान्सपोर्ट (BEST) मधील ३६७ पदांसाठी १३,००० हून अधिक उमेदवार लेखी परीक्षेला बसले होते. या कंडक्टर भरती परीक्षेतील प्रश्न कोणत्याही कठीण परीक्षेपेक्षा कमी नव्हते.
