‘जन नायकन’ प्रदर्शित होताच विजयच्या चाहत्यांचा जल्लोष; चित्रपटगृहांबाहेर प्रेक्षकांची मोठी गर्दी.
अभिनेता विजय यांचा ‘जन नायकन’ हा चित्रपट आज, 23 जुलै रोजी चित्रपटगृहांमध्ये प्रदर्शित झाला. नियोजित प्रदर्शनापेक्षा सुमारे सात महिन्यांच्या विलंबानंतर चित्रपट प्रेक्षकांच्या भेटीला आला आहे. या निमित्ताने विजयच्या चाहत्यांनी उत्सवाचे वातावरण निर्माण करत चित्रपटाचे जल्लोषात स्वागत केले. अनेक ठिकाणी सांस्कृतिक कार्यक्रमांचे आयोजन करण्यात आले.
चाहत्यांचा जल्लोष
तामिळनाडूमध्ये बुधवारी सायंकाळी मुख्यमंत्री सी. जोसेफ विजय यांच्या ‘जन नायकन’ चित्रपटाच्या थिएटर प्रदर्शनानिमित्त मोठा उत्सव साजरा करण्यात आला. यावेळी आकर्षक प्रकाशयोजना, रंगीबेरंगी लाईट शो आणि विशेष नृत्य कार्यक्रम आयोजित करण्यात आले. चेन्नईतील वुडलँड्स आणि कॅसिनोसारख्या चित्रपटगृहांमध्येही विशेष सांस्कृतिक कार्यक्रम पार पडले. विजय यांच्या स्वागतासाठी रात्री आकाशात लेझर बीम सोडण्यात आल्या, तर चाहत्यांनी जोशपूर्ण गाण्यांवर ठेका धरत जल्लोष केला.
आज गुरुवारी चित्रपट प्रदर्शित झाल्यानंतर राज्यभरातील अनेक चित्रपटगृहांमध्ये प्रेक्षकांची मोठी गर्दी पाहायला मिळत असून, उत्साहाचे वातावरण आहे.
