शिवसेना (उद्धव बाळासाहेब ठाकरे) – महाराष्ट्र नवनिर्माण सेना – राष्ट्रवादी काँग्रेस (शरदचंद्र पवार) या महायुतीच्या ‘शिवशक्ती’ आघाडीला अंधेरी विभागात मोठे बळ मिळाले असून, प्रभाग क्रमांक ८३ मधील अधिकृत उमेदवार सौ. सोनाली समीर साबे यांच्या निवडणूक कार्यालयाला आज पक्षप्रमुख मा. श्री. उद्धवसाहेब ठाकरे यांनी सदिच्छा भेट दिली. या भेटीमुळे स्थानिक कार्यकर्त्यांमध्ये प्रचंड उत्साह आणि नवचैतन्य संचारले.
या वेळी उद्धव ठाकरे यांनी उमेदवार सौ. सोनाली साबे यांना शुभेच्छा देत जनतेशी थेट संवाद साधून विकासाभिमुख, पारदर्शक आणि लोकाभिमुख राजकारण करण्याचा संदेश दिला. अंधेरीतील नागरी समस्या, स्थानिक विकास, पायाभूत सुविधा, महिला सक्षमीकरण आणि सामाजिक न्याय यांसारख्या मुद्द्यांवर शिवशक्ती महायुती ठोस भूमिका घेऊन काम करेल, असा विश्वास त्यांनी व्यक्त केला.
या प्रसंगी शिवसेना नेते व सचिव आमदार श्री. मिलिंद नार्वेकर, विधानसभा संघटक श्री. प्रमोद सावंत, उपविभागप्रमुख श्री. समीर साबे तसेच शिवसेना, मनसे आणि राष्ट्रवादी काँग्रेसचे अनेक ज्येष्ठ पदाधिकारी, स्थानिक नेते, कार्यकर्ते आणि नागरिक मोठ्या संख्येने उपस्थित होते. सर्वांनी एकत्र येत महायुतीच्या उमेदवाराला विजयी करण्याचा निर्धार व्यक्त केला.
उद्धव ठाकरे यांच्या उपस्थितीमुळे निवडणूक प्रचाराला नवी दिशा मिळाली असून, शिवशक्ती महायुती अंधेरीत एकजुटीने, ताकदीने आणि विश्वासाने निवडणूक लढवत असल्याचे स्पष्ट संकेत मिळाले आहेत. स्थानिक पातळीवर विकास, स्वच्छता, वाहतूक, आरोग्य सुविधा आणि नागरी प्रश्नांच्या निराकरणासाठी सौ. सोनाली साबे कटिबद्ध असल्याचेही यावेळी सांगण्यात आले.
ही निवडणूक केवळ सत्तेसाठी नसून, लोकशाही मूल्ये, जनहित आणि सर्वसमावेशक विकासासाठीची लढाई आहे, असा ठाम विश्वास व्यक्त करत कार्यकर्त्यांनी घराघरात जाऊन महायुतीचा संदेश पोहोचवण्याचा निर्धार केला.
