छत्तीसगडमधील बिलासपूर येथे घडलेल्या भीषण रेल्वे अपघाताने संपूर्ण देश हादरला आहे. प्राथमिक चौकशीत या दुर्घटनेचं कारण समोर आलं असून, रेड सिग्नल तोडून ट्रेन पुढे गेल्यामुळे हा अपघात झाल्याचं रेल्वे प्रशासनाने स्पष्ट केलं आहे. या घटनेत अनेक प्रवासी जखमी झाले असून, काहींनी आपले प्राण गमावले आहेत.
रेल्वेच्या अधिकाऱ्यांनी सांगितले की, मालगाडी आणि प्रवासी गाडी एकाच ट्रॅकवर असल्याने टक्कर झाली. चालकाला थांबण्याचा सिग्नल देण्यात आला होता, मात्र तांत्रिक त्रुटी किंवा मानवी चुकांमुळे सिग्नल तोडून ट्रेन पुढे गेल्याची शक्यता तपासली जात आहे. सुरक्षा यंत्रणांनी अपघातस्थळी तपास मोहीम सुरू केली असून, ब्लॅक बॉक्स आणि डेटा रेकॉर्डर जप्त करण्यात आले आहेत.
अपघातात जखमी प्रवाशांना तात्काळ जवळच्या रुग्णालयात दाखल करण्यात आले आहे. रेल्वे मंत्री अश्विनी वैष्णव यांनी या घटनेची उच्चस्तरीय चौकशीचे आदेश दिले आहेत. तसेच जखमींना आणि मृतांच्या कुटुंबांना आर्थिक मदत जाहीर करण्यात आली आहे.
रेल्वे प्रशासनाने अपघातानंतर सर्व सिग्नलिंग सिस्टमची तपासणी सुरू केली आहे. या घटनेनंतर ट्रेन सेफ्टीबाबत पुन्हा एकदा गंभीर प्रश्न उपस्थित झाले आहेत. तज्ञांनी सांगितले की, अशा घटनांना आळा घालण्यासाठी ऑटोमॅटिक ट्रेन प्रोटेक्शन (ATP) प्रणाली तातडीने सर्व रेल्वे ट्रॅकवर बसवणे गरजेचे आहे. या दुर्दैवी घटनेमुळे रेल्वे प्रवास सुरक्षेबाबत जनतेत चिंता वाढली असून, प्रशासनाकडून ठोस उपाययोजना करण्याची मागणी होत आहे.
