भारतीय हवामान विभागाने (IMD) मोठाअंदाज जाहीर केला असून दिल्ली, उत्तर प्रदेश, काश्मीर आणि पंजाबसह तब्बल १७ राज्यांमध्ये पावसाचा जोरदार इशारा दिला आहे. गेल्या काही दिवसांपासून तापमानात झालेल्या चढ-उतारानंतर आता पुन्हा एकदा ढगांचा मारा होणार असल्याची शक्यता वर्तवली जात आहे.
हवामान खात्याच्या माहितीनुसार, उत्तरेकडील राज्यांमध्ये मोठ्या प्रमाणावर ढग जमा झाले आहेत आणि या ढगांमुळे मुसळधार पाऊस कोसळणार आहे. विशेषतः दिल्ली-एनसीआर, यूपी, पंजाब, हरियाणा आणि जम्मू-काश्मीरमध्ये वीजा-गडगडाटासह पावसाचा जोर राहणार आहे.
पावसामुळे शेतकऱ्यांना दिलासा मिळण्याची शक्यता आहे, कारण पिकांना पाण्याची गरज होती. मात्र, दुसरीकडे मुसळधार पावसामुळे नद्या-नाल्यांना पूर येण्याचा धोका असल्याने प्रशासनाने नागरिकांना सतर्क राहण्याचे आवाहन केले आहे.
IMD ने म्हटले आहे की, राजस्थान, मध्य प्रदेश, बिहार, झारखंड, उत्तराखंड, हिमाचल प्रदेश, ओडिशा आणि ईशान्य भारतातील काही भागातही पावसाचा जोर कायम राहील. त्यामुळे पुढील काही दिवस वाहतुकीत अडथळे, विजपुरवठ्यात व्यत्यय आणि काही ठिकाणी पूरस्थिती निर्माण होण्याची शक्यता आहे.
एकीकडे पावसामुळे शेतकऱ्यांच्या चेहऱ्यावर हसू उमटेल, तर दुसरीकडे शहरांमध्ये पाणी साचून सामान्य जनजीवन विस्कळीत होऊ शकते.
