मुंबई : महानायक अमिताभ बच्चन हे केवळ अभिनयामुळेच नाही तर त्यांच्या सामाजिक बांधिलकीमुळे देखील ओळखले जातात. लोकप्रिय शो कौन बनेगा करोड़पति (KBC) च्या अलीकडील भागात बिग बी एका स्पर्धकाच्या विचारांनी आणि उपक्रमांनी इतके प्रभावित झाले की त्यांनी तत्काळ त्याचे कौतुक केले आणि स्वतःहून मोफत हेल्मेट वाटण्याचा निर्णय घेतला.
रस्ते अपघातांमध्ये वाढ होत असताना सुरक्षिततेबाबत लोकांना जागरूक करणे ही काळाची गरज आहे, असे सांगत बच्चन यांनी स्वतःच्या खर्चाने हेल्मेटचे वितरण करून एक आदर्श घालून दिला. कार्यक्रम पाहणाऱ्या प्रेक्षकांनीही त्यांच्या या उपक्रमाचे जोरदार स्वागत केले.
बिग बी यांची ही कृती केवळ एक औपचारिकता नव्हती तर समाजाप्रती जबाबदारीची जाणीव करून देणारी होती. “सुरक्षित राहा, हेल्मेट घाला” हा संदेश देताना त्यांनी तरुण पिढीला अपील केले की, स्वप्नं कितीही मोठी असली तरी जीवन सुरक्षित ठेवलं पाहिजे.
या उपक्रमामुळे हेल्मेट वापराचे महत्त्व पुन्हा एकदा चर्चेत आले असून, चाहत्यांकडून बच्चन यांना सोशल मीडियावर दाद मिळत आहे.
