पुणे : आज पुणे महानगर प्रदेश विकास प्राधिकरणामार्फत (PMRDA) उभारण्यात आलेल्या औंध ते शिवाजीनगर दरम्यानच्या एकात्मिक दुमजली उड्डाणपुलाचा पहिला टप्पा (लोकार्पण टप्पा-१) मुख्यमंत्री देवेंद्र फडणवीस यांच्या हस्ते सुरू करण्यात आला. या लोकार्पण सोहळ्याला मान्यवरांची मोठ्या संख्येने उपस्थिती होती.
हा प्रकल्प पुणेकरांसाठी ऐतिहासिक ठरणार असून, सावित्रीबाई फुले पुणे विद्यापीठ चौकातील वाहतूक कोंडीला मोठा दिलासा मिळणार आहे. वाढती लोकसंख्या, वाढती वाहने आणि रोज वाढणारी वाहतूक यामुळे या मार्गावर नेहमीच तासन्तास वाहनचालक अडकून राहत होते. परंतु आता या दुमजली उड्डाणपुलामुळे प्रवासाचा वेळ लक्षणीयरीत्या कमी होईल.
प्रकल्पाची वैशिष्ट्ये :
औंध ते शिवाजीनगर दरम्यानचा हा उड्डाणपूल दोन मजली असून, अत्याधुनिक तंत्रज्ञानाचा वापर करून उभारण्यात आला आहे. यामुळे पुणे-मुंबई मार्गावरील वाहतूक सुकर होणार आहे.
नागरिकांना सुरक्षित, जलद आणि सुलभ प्रवासाचा अनुभव मिळणार आहे.
मुख्यमंत्री फडणवीस यांनी या वेळी सांगितले की, “पुण्यातील नागरिकांच्या जीवनमानात सुधारणा करण्यासाठी आणि शहराच्या वाहतूक व्यवस्थेला सुसूत्रता देण्यासाठी राज्य सरकार कटिबद्ध आहे.” तसेच या प्रकल्पामुळे पुण्याच्या आर्थिक विकासालाही चालना मिळणार असल्याचे त्यांनी नमूद केले.
स्थानिक नागरिकांनी या प्रकल्पाचे स्वागत करताना सांगितले की, “दररोजची होणारी वेळ आणि इंधनाची बचत होणार असून हा पूल म्हणजे पुणेकरांसाठी मोठे वरदान आहे.” पुणेकरांसाठी दिलासादायक वार्ता – औंध ते शिवाजीनगर दुमजली उड्डाणपुलाचा पहिला टप्पा सुरू; वाहतुकीच्या समस्येत होणार मोठा बदल
