तळेगाव दाभाडे येथे ११.३६ कोटींच्या विकासकामांचे आमदार शेळके यांच्या हस्ते भूमिपूजन व लोकार्पण

तळेगाव दाभाडे, २१ जुलै (प्रतिनिधी श्रावणी कामत) – तळेगाव दाभाडे शहराच्या इतिहासात एक नवा सुवर्णक्षण रविवारी घडून आला. तब्बल ११ कोटी ३६ लाख रुपयांच्या विविध विकासकामांचे भूमिपूजन आणि लोकार्पण आमदार सुनील शेळके यांच्या हस्ते मोठ्या थाटात पार पडले. या सोहळ्यामुळे शहराच्या सर्वांगीण प्रगतीच्या दिशेने महत्त्वपूर्ण पाऊल उचलले गेले.

🔸 या कार्यक्रमात रस्ते, पाणी, शिक्षण, सुरक्षाव्यवस्था, पर्यावरण अशा विविध क्षेत्रातील कामे हाती घेण्यात आली असून, या प्रकल्पांमुळे तळेगावचा चेहरामोहरा बदलणार आहे.

🔹 या महत्त्वपूर्ण विकास प्रकल्पांत समावेश :

✅ वॉटर ट्रीटमेंट प्लांट (WTP) – नागरिकांना स्वच्छ पिण्याचे पाणी
✅ संताजी नगर काँक्रिट रस्ता – सुरक्षित व टिकाऊ दळणवळण
✅ आमराई हॉटेलसमोरील मुख्य रस्ता – शहराचा महत्त्वाचा प्रवेशमार्ग
✅ लिंबफाटा-मॅकडोनाल्ड सर्व्हिस रस्ता – वाहतूक सुलभ
✅ उमाबाई दाभाडे कन्याशाळेची नवी इमारत – गुणवत्तापूर्ण शिक्षणाची पायाभरणी
✅ ‘स्मार्ट सिटी’ संकल्पनेतील सीसीटीव्ही प्रकल्प – नागरी सुरक्षेसाठी अत्याधुनिक व्यवस्था
✅ डोळसनाथ मंदिर व स्मशानभूमी विकास – श्रद्धा आणि सुविधा दोन्हीचा समतोल
✅ पार्किंगसाठी वृक्षारोपण – पर्यावरण पूरक निर्णय

या कार्यक्रमाला शहरातील नागरिक, सामाजिक संस्था, आजी-माजी लोकप्रतिनिधी, शासकीय अधिकारी आणि विविध पक्षांचे कार्यकर्ते मोठ्या संख्येने उपस्थित होते. नागरिकांनी आमदारांशी थेट संवाद साधून अडचणी मांडल्या. आमदारांनी सर्व प्रश्नांना सकारात्मक प्रतिसाद देत समाधानकारक उत्तरं दिली.

आमदार सुनील शेळके म्हणाले,

“मुख्यमंत्री देवेंद्र फडणवीस, उपमुख्यमंत्री अजितदादा पवार आणि उपमुख्यमंत्री एकनाथ शिंदे यांच्या सहकार्यामुळे हे सर्व प्रकल्प शक्य झाले आहेत. ही केवळ सुरुवात आहे. तळेगावचा सर्वांगीण विकास हेच आमचं ध्येय आहे.”

🔸 नागरिकांची थेट भेट
प्रत्यक्ष भेटी देऊन मोहोर प्रतिमा, एंजल हिल्स, संस्कृती सोसायटी, राव कॉलनी, म्हसकरनिस सोसायटी याठिकाणी नागरिकांच्या अडचणी जाणून घेतल्या गेल्या.

 एकंदरीत, तळेगाव दाभाडे शहर आता नव्या युगात प्रवेश करत असून, या विकासकामांनी शहराच्या उज्ज्वल भविष्यास गती मिळाली आहे.