पुणेकरांसाठी आनंदाची बातमी! मुख्यमंत्री देवेंद्र फडणवीस यांनी पुणे मेट्रोच्या हिंजवडी–शिवाजीनगर (लाईन ३) प्रकल्पाच्या कामाला गती देण्याचे आदेश दिले असून, हा प्रकल्प मार्च २०२६ पर्यंत पूर्ण करावा, असे निर्देश पीएमआरडीए आणि त्याच्या कन्सेशनरला दिले आहेत. एकूण २३ पैकी १० स्थानकांचे काम पूर्ण झाले असून, उर्वरित १३ स्थानकांवरील काम गतीमान करण्यात येत आहे.
ही असतील २३ महत्त्वाची स्थानके :
मेगापोलिस सर्कल, एम्बसी क्वाड्रन बिझनेस पार्क, डोहलर, इन्फोसिस फेज II, विप्रो फेज II, पॉल इंडिया, शिवाजी चौक, हिंजवडी, वाकड चौक, बालेवाडी स्टेडियम, एनआयसीएमएआर, राम नगर, लक्ष्मी नगर, बालेवाडी फाटा, बाणेर गाव, बाणेर, कृषी अनुसंधान, सकाळनगर, विद्यापीठ, आरबीआय, कृषी महाविद्यालय, शिवाजीनगर आणि सिव्हिल कोर्ट.
(डिपो माण गावात आहे.)
प्रकल्पाची सद्यस्थिती :
पुणे मेट्रो लाईन ३ चे ९०% काम पूर्ण झाले असून, ट्रायल रन सुरू आहेत. पीएमआरडीए आयुक्त योगेश म्हसे यांनी सांगितले की, “काम नियोजित गतीने सुरू आहे आणि दिलेल्या वेळेत पूर्ण करण्यासाठी सर्व विभाग समन्वयाने काम करत आहेत.”
हा प्रकल्प सार्वजनिक-खाजगी भागीदारी (PPP) पद्धतीने पीएमआरडीए आणि टाटा ग्रुपच्या पुणे आयटी सिटी मेट्रो रेल लिमिटेड यांच्या संयुक्त विद्यमाने उभारला जात आहे. ३ डब्यांची वातानुकूलित मेट्रो ट्रेन प्रत्येकी १,००० प्रवासी क्षमता असणार असून, ८० किमी/तास वेगाने धावणार आहे.
प्रकल्पाचा प्रवास :
-
प्रकल्पाची सुरुवात — नोव्हेंबर २०२१
-
पहिला मेट्रो पिलर — एप्रिल २०२२
-
अंतिम मुदत — मार्च २०२६
-
बांधकाम स्थळांवर २४x७ काम सुरू आहे
मुख्यमंत्री फडणवीस म्हणाले :
“पुणेकरांची मेट्रोसाठीची अपेक्षा मोठी आहे. हिंजवडी–शिवाजीनगर लाईन पूर्ण झाल्यास आयटी क्षेत्रातील हजारो कर्मचाऱ्यांचा प्रवास अधिक सोपा आणि जलद होईल. हा प्रकल्प वेळेत पूर्ण होणे हे आमचं प्राधान्य आहे.”
मेट्रो लाईन ३ चे महत्त्व :
-
पुण्यातील आयटी हब हिंजवडी ते सिव्हिल कोर्ट जोडणारी महत्त्वाची लाईन
-
रोज हजारो कर्मचाऱ्यांना वाहतुकीचा पर्याय
-
शहरातील वाहतूक कोंडी कमी होणार
-
पर्यावरणपूरक आणि ऊर्जा बचतीसाठी महत्त्वाचा टप्पा
