जेएसपीएमच्या राजर्षी शाहू अभियांत्रिकी महाविद्यालयाच्या (आरएससीओई), ताथवडे, पुणे येथील प्रशिक्षण आणि प्लेसमेंट सेल आणि डिवाईन एचआर फोरम यांच्या संयुक्त विद्यमाने “स्त्रियांचे नेतृत्व भूमिकांमध्ये सशक्तीकरण : Unlock Her Potential” या विषयावर विचारप्रवर्तक आणि प्रेरणादायी पॅनल चर्चेचे यशस्वी आयोजन करण्यात आले. या कार्यक्रमाचा उद्देश विद्यार्थ्यांमध्ये – विशेषतः युवतींमध्ये – आत्मविश्वास निर्माण करणे, सामाजिक व व्यावसायिक क्षेत्रातील अडथळे दूर करत नेतृत्वाच्या भूमिकांमध्ये पुढे जाण्यास प्रोत्साहन देणे हा होता.
या चर्चासत्रामध्ये विविध क्षेत्रातील मान्यवर व तज्ज्ञांनी सहभाग घेतला:
डॉ. संजीवनी पांडे – राज्य सह-संयोजिका, भाजपा आयटी सेल, महाराष्ट्र
अॅड. प्रीतीसिंह परदेशी – अधिवक्ता, POSH प्रशिक्षक, अध्यक्ष – परिवार एनजीओ
सौ. प्रीती साखरे – मंत्रालय कामगार व रोजगार विभाग, संस्थापक – डिवाईन एचआर फोरम
डॉ. नीलांगी सर्देशपांडे – आयुर्वेदाचार्य, महिलांच्या आरोग्य व लैंगिक हक्क विषयातील तज्ज्ञ
या चर्चेत महिलांचे नेतृत्वातील प्रतिनिधित्व, कायदेविषयक हक्क, कार्यस्थळी समानता आणि महिलांच्या सर्वांगीण आरोग्याचा सशक्तीकरणासाठीचा महत्त्वाचा आधार यासारख्या विषयांवर सखोल चर्चा करण्यात आली.
मुख्य मुद्दे:
महिलांचे नेतृत्व क्षेत्रात प्रतिनिधित्व वाढविण्याची गरज
लिंग समानतेसाठी असलेली कायदेशीर व संस्थात्मक साधने
मानसिक, शारीरिक व भावनिक आरोग्याचे महत्व
तरुण पिढीचे समावेशक विकासासाठी योगदान
हा कार्यक्रम प्रीती साखरे (संस्थापक डिवाईन एचआर फोरम), डॉ. सौरभ तायडे डीन प्रशिक्षण आणि प्लेसमेंट आणि प्रशिक्षण आणि प्लेसमेंट सेलच्या समर्पित कार्यकर्त्यांच्या संयुक्त प्रयत्नातून यशस्वीरीत्या पार पडला. कार्यक्रमाच्या यशस्वी आयोजनामध्ये महाविद्यालयाच्या नेतृत्वाचे विशेष सहकार्य लाभले. डॉ. संतोष भोसले (संचालक) आणि डॉ. अविनाश बडधे (उपसंचालक) यांचे विशेष आभार, जे विद्यार्थ्यांच्या सर्वांगीण विकासासाठी सातत्याने प्रयत्नशील आहेत. जेएसपीएम आरएससीओई आणि डिवाईन एचआर फोरम हे भविष्यातील नेतृत्व तयार करण्यासाठी, उद्योगांशी दृढ नाते निर्माण करण्यासाठी आणि सामाजिक प्रश्नांवर विचारमंथन करण्यासाठी सातत्याने प्रभावी व्यासपीठ उपलब्ध करून देत आहेत.
