हिंजवडी आयटी पार्कच्या रस्ते, वाहतूक व नागरी सुविधांवरील गंभीर प्रश्नांमुळे ग्रामस्थांमध्ये प्रचंड संताप उसळला आहे. सरपंच गणेश जांभुळकरांसह ग्रामस्थांनी थेट उपमुख्यमंत्री अजित पवार यांच्यावर आरोप करत, “आमच्या मागण्या दुर्लक्षित होत आहेत, बैठकांनाही बोलावलं जात नाही,” असा रोष व्यक्त केला आहे. “जर प्रश्नांची सोडवणूक झाली नाही, तर न्यायालयात जाऊ,” असा इशाराही देण्यात आला आहे. अजित पवार यांचा दौरा, त्यांचा व्हिडिओ व्हायरल, तसेच प्रशासनाने घेतलेली हालचाल यामुळे वातावरण चिघळले आहे.
▪️ आयटी पार्कच्या मागे गावकऱ्यांचा संताप का?
अंतर्गत रस्त्यांचे रुंदीकरण आणि वाहतूक कोंडीबाबत असलेल्या तक्रारी
गावकऱ्यांना विश्वासात न घेता घेतले जाणारे निर्णय
अजित पवार यांच्या दौऱ्यावेळी ग्रामपंचायतीला डावलल्याचा आरोप
▪️ ग्रामस्थांची मुख्य मागणी:
२४ मीटर रुंदीचे रस्ते ठेवावेत
पर्यायी रस्त्यांवर लक्ष द्यावं
पीएमआरडीएने संवाद साधावा
▪️ प्रशासनाची अलीकडील कारवाई:
वाहतूक कोंडीस कारणीभूत ठरणारी १६६ बांधकामे जमीनदोस्त
अजित पवारांनी दिलेल्या सूचना तपासण्यासाठी दौरा
