पुणे : हिंदवी स्वराज्याचे रक्षणकर्ते, धर्मवीर छत्रपती संभाजी महाराजांचे अद्वितीय शौर्य, अचल धैर्य आणि बलिदान हे आजही प्रत्येक मराठी मनामध्ये प्रेरणेचा दीप प्रज्वलित करतात. आता त्यांच्या स्मृतीला जागतिक स्तरावर साजरे करण्यासाठी “स्टॅच्यू ऑफ हिंदुभूषण” या भव्य स्मारकाची उभारणी करण्यात येणार असून ते जगातील सर्वात उंच स्मारक ठरणार आहे.
हे स्मारक फक्त शिल्पकला नसून, ते मराठा साम्राज्याच्या पराक्रमाचे, हिंदवी स्वराज्याच्या तेजाचे आणि हिंदुत्व रक्षणासाठी केलेल्या बलिदानाचे जिवंत प्रतीक असेल. संभाजी महाराजांच्या बलिदानामुळे आजही धर्म आणि संस्कृती सुरक्षित राहिली आहे.
या स्मारकाच्या माध्यमातून जागतिक स्तरावर छत्रपती संभाजी महाराजांची कीर्ती आणि त्यांचे बलिदान पोहोचणार असून, ते अभिमानाने भारताच्या सांस्कृतिक वैभवात भर घालणार आहे. स्मारकासोबत संग्रहालय, संशोधन केंद्र आणि पर्यटन सुविधाही उपलब्ध करून देण्यात येणार आहेत.
“स्टॅच्यू ऑफ हिंदुभूषण” हे भावी पिढ्यांसाठी प्रेरणास्थान ठरेल. महाराष्ट्रातील आणि देशभरातील लाखो शिवप्रेमींसाठी हे ठिकाण नवनवीन ऊर्जा आणि देशभक्तीची जाज्वल्य भावना जागवणारे ठरेल.
