मुंबई : महाराष्ट्राचे मुख्यमंत्री देवेंद्र फडणवीस यांनी आज मंत्रालय, मुंबई येथे आमदार स्थानिक विकास कार्यक्रम व डोंगरी विभाग विकास कार्यक्रम यासंदर्भात अत्याधुनिक संगणकीय प्रणाली ‘e-SAMA₹TH’ चे भव्य उदघाटन केले. या अभिनव उपक्रमामुळे राज्यातील विकासकामांच्या अंमलबजावणी प्रक्रियेत पारदर्शकता, गती आणि कार्यक्षमतेत लक्षणीय वाढ होणार आहे.
प्रणालीची वैशिष्ट्ये व फायदे :
‘e-SAMA₹TH’ द्वारे आमदार स्थानिक विकास निधी व डोंगरी विकास निधीतील प्रकल्पांची नोंदणी, मंजुरी व अंमलबजावणी एकाच क्लिकवर करता येणार.
यामुळे भ्रष्टाचाराला आळा बसेल, निर्णय प्रक्रियेत पारदर्शकता वाढेल व नागरिकांना योजनांचा लाभ वेळेवर मिळेल.
या प्रणालीमुळे विकास योजनांच्या ऑनलाइन मॉनिटरिंगची सुविधा उपलब्ध होईल.
सर्व जिल्ह्यांतील अधिकारी व आमदारांना निधीच्या वापराबाबतची अद्ययावत माहिती रिअल टाइममध्ये मिळू शकेल.
मुख्यमंत्री फडणवीस यांनी सांगितले की, “तंत्रज्ञानाच्या मदतीने विकासाला गती देणे हेच सरकारचे ध्येय आहे. ‘e-SAMA₹TH’ ही प्रणाली आमदार आणि प्रशासन यांच्यातील समन्वय वाढवेल. प्रत्येक रुपया लोकांच्या सेवेसाठी कार्यक्षमतेने वापरला जाईल.”
या प्रसंगी नियोजन विभागाचे वरिष्ठ अधिकारी, आयटी विभागाचे तज्ज्ञ तसेच विविध आमदार व मान्यवर उपस्थित होते. या प्रणालीच्या वापरामुळे राज्यातल्या ग्रामीण व शहरी भागांतील विकासकामांना नवचैतन्य मिळणार असल्याचेही सांगण्यात आले.
