मुंबई, १६ जुलै २०२५ – मुख्यमंत्री देवेंद्र फडणवीस यांच्या अध्यक्षतेखाली आज दुपारी १.४० वा. विधान भवन, मुंबई येथे वसई-विरार महानगरपालिकेच्या विविध महत्त्वपूर्ण प्रकल्पांचा आढावा घेण्यासाठी उच्चस्तरीय बैठक पार पडली. या बैठकीत वसई-विरारच्या जलसंपत्ती, वाहतूक व्यवस्था, कचरा व्यवस्थापन, रस्ते विकास व पायाभूत सुविधांशी संबंधित प्रकल्पांवर सविस्तर चर्चा झाली.
उपस्थित मान्यवर –
▪️ राज्य मंत्री माधुरी मिसाळ ▪️ खासदार डॉ. हेमंत सावरा ▪️ आमदार राजन नाईक ▪️ आमदार स्नेहा दुबे पंडित ▪️ संबंधित विभागांचे वरिष्ठ अधिकारी
बैठकीतील महत्त्वाचे मुद्दे – ▪️ वसई-विरार परिसरातील वाहतूक कोंडी आणि रस्ते सुधारणा प्रकल्पावर भर ▪️ पाण्याच्या समस्येवर कायमस्वरूपी उपाययोजना करण्याबाबत निर्देश ▪️ ड्रेनेज व कचरा व्यवस्थापन प्रकल्पांना तातडीने गती देण्याचे आदेश ▪️ नागरी सेवांचा दर्जा उंचावण्यासाठी दीर्घकालीन आराखड्यांची अंमलबजावणी
मुख्यमंत्री फडणवीस म्हणाले, “वसई-विरार हा वेगाने वाढणारा महानगर क्षेत्र आहे. या भागातील लोकांना दर्जेदार नागरी सुविधा देण्यासाठी सरकार कटिबद्ध आहे. कोणताही प्रकल्प रखडू देणार नाही.”
मंत्री माधुरी मिसाळ यांनी प्रशासनाला झपाट्याने काम पूर्ण करण्याचे निर्देश दिले, तर आमदार व खासदारांनी स्थानिक जनतेच्या गरजांबाबत महत्त्वपूर्ण मुद्दे उपस्थित केले.
या बैठकीमुळे वसई-विरार महानगरपालिकेच्या विविध रखडलेल्या आणि सुरू असलेल्या प्रकल्पांना नव्या गतीची अपेक्षा आहे.
