मुंबई | राज ठाकरे यांच्याविरोधात अरेरावीची भाषा वापरणाऱ्या आणि मराठी भाषा शिकण्यास नकार देणाऱ्या व्यावसायिक सुशील केडिया यांना अखेर माफी मागावी लागली आहे. पण याप्रकरणातील नवा ट्विस्ट म्हणजे, मराठी अभिनेता अभिजीत केळकर यांनी केडिया यांच्यावर सोशल मीडियावरून खोचक टिका केली आहे.
प्रकरणाची पार्श्वभूमी:
सुशील केडिया यांनी काही दिवसांपूर्वी एका पोस्टमध्ये म्हटलं होतं की –
“३० वर्षं मुंबईत राहूनही मला मराठी येत नाही आणि जोपर्यंत राज ठाकरेसारखे लोक भाषेचे कैवारी असल्याचा दिखावा करत असतील, तोपर्यंत मी मराठी शिकणार नाही.”
इतकेच नव्हे, त्यांनी राज ठाकरेंची तुलना थेट दहशतवाद्यांशी करत, त्यांच्या धोरणांवर सवाल उपस्थित केला होता. यामुळे महाराष्ट्र नवनिर्माण सेनेत (मनसे) संतापाची लाट उसळली आणि मनसे कार्यकर्त्यांनी केडिया यांच्या वरळीतील ऑफिसवर धडक कारवाई करत दगडफेक व तोडफोड केली.
केडियांचा माफीनामा:
राज ठाकरे यांच्या ठाकरेंच्या मेळाव्यानंतर, ५ जुलै रोजी सुशील केडिया यांनी माफीनामा जाहीर केला.
“माझ्या विधानाचा चुकीचा अर्थ घेतला गेला. मी माझी चूक मान्य करतो. मी मराठी शिकण्याचा प्रयत्न करेन आणि राज ठाकरे यांची माफी मागतो.” — असं त्यांनी नम्रतेने म्हटलं.
अभिजीत केळकरची तिखट प्रतिक्रिया:
केडियांच्या या यूटर्नवर मराठी अभिनेता अभिजीत केळकर यांनी इंस्टाग्राम स्टोरीवर खोचक शब्दात प्रतिक्रिया दिली.
“म्हणूनच आपली लायकी असेल तेवढंच बोलावं… नाहीतर अशी माफी मागायला लागते!”
