अंबिकापूर (छत्तीसगड) – छत्तीसगड राज्यातील अंबिकापूर जवळील मैनपाट परिसरात असलेल्या एका निसर्गनिर्मित अद्भुत ठिकाणी पाण्याचा प्रवाह उलट्या दिशेने वाहताना पाहून माजी मुख्यमंत्री शिवराजसिंह चौहान (शिवराज मामा) अक्षरशः थक्क झाले! त्यांच्या अलीकडील दौऱ्यात त्यांनी या परिसराला भेट दिली आणि प्रत्यक्ष त्या चमत्कारिक दृश्याचा अनुभव घेतला.
उलट्या दिशेने वाहणारे पाणी – निसर्गाचा अद्वितीय खेळ!
मैनपाटमध्ये असलेल्या एका विशिष्ट उतारावर पाणी दिसायला वरच्या दिशेने म्हणजेच गुरुत्वाकर्षणाच्या विरुद्ध वाहताना आढळते. याला स्थानिक भाषेत “गोल्ट धारा” असंही म्हणतात. हे ठिकाण पर्यटकांमध्ये दिवसेंदिवस लोकप्रिय होत आहे.
शिवराज मामा यांनी स्वतः त्या ठिकाणी उभे राहून या अद्भुत दृश्याचं निरीक्षण केलं. त्यांनी स्वतः एक बाटलीत पाणी ओतून पाहिलं आणि पाहताक्षणी ते विस्मयचकित झाले. “हे तर निसर्गाचं चमत्कार आहे! हे प्रत्यक्ष पाहिल्याशिवाय कोणीही विश्वास ठेवणार नाही,” असे ते म्हणाले.
व्हिडीओ व्हायरल!
या घटनेचा व्हिडीओ सध्या सोशल मीडियावर जोरदार व्हायरल होत आहे. अनेकांनी या व्हिडीओवर प्रतिक्रिया देत “भारतात किती अद्भुत ठिकाणं आहेत!” अशा भावना व्यक्त केल्या आहेत. अनेक पर्यटक आणि ट्रॅव्हल ब्लॉगर या ठिकाणाला भेट देण्यासाठी इच्छुक असल्याचे दिसत आहे.
मैनपाट – छत्तीसगडचे ‘मिनी शिमला’
मैनपाट हा परिसर छत्तीसगडच्या सरगुजा जिल्ह्यात येतो आणि त्याला “छत्तीसगडचे मिनी शिमला” असेही म्हणतात. घनदाट जंगल, थंड हवामान आणि असंख्य धबधबे यामुळे हे ठिकाण नैसर्गिक सौंदर्याचं आकर्षण बनलं आहे. आता उलट्या दिशेने वाहणाऱ्या पाण्यामुळे या ठिकाणी निसर्गप्रेमी आणि वैज्ञानिकांचेही लक्ष वेधले गेले आहे.
