मुंबईच्या मालवणी भागात आज सकाळी एक मोठा दुर्घटना घडली. तीन मजली झोपडपट्टीमधील इमारतीचा काही भाग अचानक कोसळला. या भीषण दुर्घटनेत किमान ११ नागरिक जखमी झाले असून त्यापैकी तिघांची प्रकृती गंभीर असल्याची माहिती समोर आली आहे.
दुर्घटनास्थळी अग्निशमन दलाचे दोन सहाय्यक विभागीय अधिकारी, बचाव पथके, पोलीस आणि NDRF चे जवान तात्काळ दाखल झाले. स्थानिक रहिवाशांनीही धाडस दाखवून जखमींना बाहेर काढण्यात मदत केली.
ही इमारत जीर्ण स्थितीत असल्याची प्राथमिक माहिती असून अनेक वेळा तक्रारी करूनही त्याकडे दुर्लक्ष झाल्याचे स्थानिक नागरिकांचे म्हणणे आहे. घटनास्थळी अजूनही शोध व बचाव मोहिम सुरू आहे. काही जण अडकले असण्याची शक्यता नाकारता येत नाही.
राज्य सरकार आणि महानगरपालिकेने या घटनेची गंभीर दखल घेऊन तातडीने सर्वेक्षण व मदतीचे आदेश दिले आहेत. जखमींवर स्थानिक रुग्णालयात उपचार सुरू असून त्यांच्या प्रकृतीवर डॉक्टर सतत लक्ष ठेवून आहेत.
