मावळच्या जनतेसाठी झटणारे खरे जननेते – सुनील अण्णा शेळके यांची जनसंपर्क भेट प्रभावी ठरली

तळेगाव दाभाडे | सोमवार, १४ जुलै २०२५ :- मावळ विधानसभा मतदारसंघातील कार्यसम्राट, मावळवासीयांच्या मनातील नेते मा. सुनील अण्णा शेळके यांनी आज तळेगाव दाभाडे येथे जनसंपर्क दौऱ्यादरम्यान नागरिकांच्या अडीअडचणी समजून घेतल्या. केवळ व्यक्तिगत नव्हे, तर मावळच्या सर्वांगीण विकासासाठीच मी काम करत आहे, असे अण्णांनी नमूद केले.

या दौऱ्यात नागरिकांनी आपल्या समस्या, गरजा व अपेक्षा मांडल्या. त्यावर सुनील अण्णांनी तात्काळ प्रतिसाद देत, अनेक समस्यांवर त्वरित निर्णय घेण्याचे आश्वासन दिले. शासकीय योजनांची अंमलबजावणी, रस्ते, पाणी, आरोग्य आणि शिक्षण या मुद्द्यांवरही त्यांनी सकारात्मक चर्चा केली.

“माझ्या आईवडिलांनी मला माणसं जोडायला शिकवलं… आणि ती शिकवणच माझं राजकारण घडवत आहे. लोकांचा विश्वास हेच माझं प्रेरणास्थान असून, त्यांच्या अपेक्षा पूर्ण करणे हेच माझं ध्येय आहे,” असे भावनिक शब्दात सुनील अण्णांनी जनतेशी संवाद साधला.

जनतेच्या विश्वासाने प्रेरित होऊन कार्यरत असलेले सुनील अण्णा शेळके हे आजही मावळमध्ये एक आदर्श जनतेचे प्रतिनिधी म्हणून ओळखले जातात. विकासाच्या वाटचालीसाठी त्यांचे प्रयत्न सातत्याने सुरू असून, हा दौरा देखील त्याचाच एक भाग होता.