२४ जुलै २०२५ रोजी तेल्हारा येथे वंदनीय नामदार श्री बच्चुभाऊ कडू यांच्या नेतृत्वाखाली प्रहार जनशक्ती पक्षाच्या वतीने भव्य चक्का जाम आंदोलन आयोजित करण्यात आले. या आंदोलनात तेल्हारा तालुक्यातील सर्व प्रहार सेवक, दिव्यांग बांधव तसेच शेतकरी मोठ्या संख्येने सहभागी झाले होते.
या चक्का जाम आंदोलनाचे मुख्य कारण म्हणजे शेतकरी कर्जमाफी, दिव्यांग बांधवांना दरमहा ₹६,००० मानधन, तसेच इतर विविध न्याय्य मागण्या तात्काळ पूर्ण कराव्यात, या मागण्यांसाठी सरकारचे लक्ष वेधणे होय. आंदोलकांनी शांततेत आणि शिस्तबद्ध पद्धतीने दोन तास रस्त्यावर उतरून चक्का जाम केला.
यावेळी आंदोलनस्थळी विविध ठिकाणांहून आलेले प्रहार सेवक व कार्यकर्ते एकवटले होते. दिव्यांगांचे रोजचे जीवन सुसह्य व्हावे यासाठी त्यांना आर्थिक मदत आवश्यक आहे, तसेच शेतकऱ्यांची कर्जमाफी ही केवळ आश्वासन न राहता प्रत्यक्ष अंमलबजावणी व्हावी यासाठी सर्वांनी एकजुटीने आवाज उठवला.
प्रहार जनशक्ती पक्षाच्या या लढ्याला तालुक्यातील जनतेचा मोठा पाठिंबा मिळाला असून, जर शासनाने याची दखल घेतली नाही तर अधिक तीव्र आंदोलन छेडण्याचा इशाराही यावेळी देण्यात आला.
ही चळवळ म्हणजे केवळ मागण्या मांडण्यापुरती मर्यादित न राहता, समाजातील दुर्लक्षित घटकांसाठी हक्क मिळवून देण्यासाठीचा एक दृढ निर्धार होता, असे मत अनेक प्रहार सेवकांनी व्यक्त केले.
