समृद्धी महामार्गावरील मेहकरजवळ पावसामुळे वाहतुकीला अडथळा; प्रशासन सतर्क

समृद्धी महामार्गावर मेहकर परिसरात सुरू असलेल्या जोरदार पावसामुळे वाहतुकीवर परिणाम झाल्याचे पाहायला मिळाले आहे. विशेषतः काही भागांत पावसाचे पाणी महामार्गावर साचल्याने वाहनचालकांना सावधगिरी बाळगावी लागत आहे.

या भागात गेल्या काही तासांपासून मुसळधार पाऊस सुरू असून, त्यामुळे महामार्गाच्या बाजूने पाणी साचण्याचे प्रकार समोर येत आहेत. स्थानिक प्रशासनाने तत्काळ घटनास्थळी पथके पाठवून पाणी उपसण्याचे काम सुरू केले आहे.

 काही वाहने स्लिप होण्याच्या घटनाही घडल्या असल्याने वाहनधारकांमध्ये चिंता निर्माण झाली आहे. सुदैवाने कोणतीही जीवितहानी झाली नसली तरी काही ठिकाणी वाहतूक मंदावली आहे. वाहनधारकांनी हवामानाची स्थिती पाहूनच प्रवास करावा, असे आवाहन महामार्ग सुरक्षा विभागाकडून करण्यात आले आहे.

समृद्धी महामार्गावर सततची पावसाची परिस्थिती लक्षात घेता हायवे पेट्रोलिंग टीम व अपात्कालीन सेवांना सज्ज ठेवण्यात आले आहे. महामार्गावरील सीसीटीव्ही व कंट्रोल रूमद्वारे परिस्थितीवर बारकाईने नजर ठेवली जात आहे.

प्रशासनाने जलदगतीने काम करत रस्त्यावरून पाणी हटवण्याचे आणि वाहतूक सुरळीत करण्याचे प्रयत्न सुरू केले आहेत. पावसाच्या अंदाजानुसार पुढील काही तास या भागात मध्यम ते जोरदार सरी राहण्याची शक्यता हवामान विभागाने वर्तवली आहे.

 समृद्धी महामार्गावर पावसाचा फटका – मेहकरजवळ वाहतुकीला अडथळा, प्रशासन अलर्ट मोडवर!