महाराष्ट्र विधानमंडळाचे पावसाळी अधिवेशन ३० जून ते १८ जुलै दरम्यान मुंबईत; सत्ताधारी आणि विरोधक सज्ज!

मुंबई | महाराष्ट्रातील राजकारणाचा कौल ठरणारे आणि महत्वाच्या धोरणात्मक चर्चांना चालना देणारे विधानमंडळाचे पावसाळी अधिवेशन येत्या ३० जून ते १८ जुलै २०२५ या कालावधीत मुंबईतील विधान भवनात पार पडणार आहे. यासंदर्भातील अधिकृत घोषणा विधानमंडळ कामकाज सल्लागार समितीच्या बैठकीत करण्यात आली.

🔹 महत्त्वाच्या मुद्द्यांवर होणार चर्चा – सर्वपक्षीय नेत्यांची उपस्थितीpolkhol

या बैठकीला विधान परिषद सभापती प्रा. राम शिंदे, विधानसभा अध्यक्ष राहुल नार्वेकर, मुख्यमंत्री देवेंद्र फडणवीस, उपमुख्यमंत्री एकनाथ शिंदे, विधानपरिषद उपसभापती डॉ. नीलम गोऱ्हे, विधानसभा उपाध्यक्ष अण्णा बनसोडे, तसेच सर्वपक्षीय मंत्रिगट व सदस्य मोठ्या संख्येने उपस्थित होते.

बैठकीत अधिवेशनाच्या नियोजनावर सखोल चर्चा झाली. अधिवेशन काळात शेतकरी प्रश्न, पावसाळ्यातील आपत्ती व्यवस्थापन, महापुरामुळे झालेल्या नुकसानीची भरपाई, बेरोजगारी, महागाई, मराठा आरक्षण, एमपीएससी परीक्षा सुधारणा, महसूल प्रशासनातील बदल या विषयांवर सविस्तर चर्चा अपेक्षित आहे.

🔹 सचिव जितेंद्र भोळे यांनी कामकाजाचे सादरीकरण केले

विधानमंडळाचे सचिव जितेंद्र भोळे यांनी कामकाजाची माहिती उपस्थित सदस्यांना दिली. त्यांनी अधिवेशन काळात होणाऱ्या संभाव्य प्रश्नोत्तर सत्रे, शून्यप्रहर, विधेयके, ठराव यांचे आराखडे मांडले.

🔹 विरोधकांचा आक्रमक पवित्रा, सत्ताधाऱ्यांची तयारी सुरू

यंदाच्या अधिवेशनात विरोधक सरकारच्या कार्यशैलीवर निशाणा साधणार असून आगामी विधानसभा निवडणुकीच्या पार्श्वभूमीवर हे अधिवेशन अत्यंत राजकीयदृष्ट्या महत्त्वाचे ठरणार आहे. त्यामुळे सत्ताधारी व विरोधक या अधिवेशनात एकमेकांना कोंडीत पकडण्याचा प्रयत्न करणार, अशी राजकीय वर्तुळात चर्चा आहे.

 “विधानभवनात होणार वाद-प्रतिवादाचा पाऊस!” — ३० जूनपासून मुंबईत महाराष्ट्र विधानमंडळाचे पावसाळी अधिवेशन