पिंपरी-चिंचवड :- जुनी सांगवी येथील अरविंद एज्युकेशन सोसायटीच्या दोन्ही शाळांनी म्हणजेच लिटल फ्लॉवर इंग्लिश मीडियम स्कूल आणि भारतीय विद्यानिकेतन विद्यालय यांनी यंदाही आपली १०० टक्के निकालाची गौरवशाली परंपरा कायम ठेवली आहे. विद्यार्थ्यांनी उत्तुंग यश संपादन करत शाळेचा, शिक्षकांचा आणि पालकांचा गौरव वाढवला आहे.
वेदिका सिद्धवगोल हिचा शाळेतील प्रथम क्रमांक; एकूण ११ विद्यार्थ्यांना ९०% पेक्षा जास्त गुण!
• लिटल फ्लॉवर स्कूलची विद्यार्थिनी वेदिका सिद्धवगोल हिने ९७.६०% गुण मिळवून शाळेत प्रथम क्रमांक पटकावला. • रिद्धीश तोरवणे याने ९६.००% गुणांसह द्वितीय तर श्लोक शिंदे याने ९५.८०% गुणांसह तृतीय क्रमांक मिळवला. • प्रज्ञा कोतवाल – ९५.६०%, श्रेया काला व अथर्व पाचरणे – ९५.४०%, यांनी अनुक्रमे चौथा आणि संयुक्त पाचवा क्रमांक मिळवला.
भारतीय विद्यानिकेतन विद्यालयातील विद्यार्थ्यांचा उत्कृष्ट निकाल
• या शाळेतील सायली सात्रस – ९३.८०%, आर्यन गायकवाड – ९२.००%, व समीक्षा आढे – ८६.६०% यांनी अनुक्रमे प्रथम, द्वितीय व तृतीय क्रमांक पटकावला. • या विद्यार्थ्यांच्या उत्तम कामगिरीमुळे संपूर्ण शाळेच्या निकालात सातत्य दिसून आले आहे.
मुख्याध्यापिका, शिक्षक, व पालकांचा मोलाचा सहभाग
या यशामागे विद्यार्थ्यांचे सातत्य, शिक्षकांचा परिश्रम, पालकांचे पाठबळ आणि शाळा प्रशासनाचे योग्य नियोजन हे चारही घटक मोलाचे ठरले. अरविंद एज्युकेशन सोसायटीच्या अध्यक्षा आरती राव, सचिव प्रणव राव, लिटल फ्लॉवरच्या मुख्याध्यापिका नीलम पवार, भारतीय विद्यानिकेतन विद्यालयाच्या मुख्याध्यापिका आशा घोरपडे, व संपूर्ण शिक्षकवृंदांनी विद्यार्थ्यांचे मन:पूर्वक अभिनंदन केले.
आरती राव म्हणाल्या, “विद्यार्थ्यांनी मेहनतीने आणि शिस्तबद्ध पद्धतीने अभ्यास करून यश मिळवलं आहे. हा निकाल केवळ गुणांचा नाही, तर आमच्या शाळेतील गुणवत्तापूर्ण शिक्षणप्रणालीचा आरसाच आहे.”
गुणवत्तेचा वारसा जपणारी शाळा
अरविंद एज्युकेशन सोसायटीने मागील अनेक वर्षांपासून गुणवत्तापूर्ण शिक्षण, संस्कारक्षम वातावरण, आणि सर्वांगीण विकास या मूल्यांवर भर दिला आहे. प्रत्येक वर्षी १००% निकाल देणं ही केवळ परंपरा नाही, तर अभिमानाचा विषय बनला आहे.
शाळेची शिक्षण पद्धती ठरतेय इतरांसाठी आदर्श
या निकालाच्या निमित्ताने अरविंद एज्युकेशन सोसायटीतील दोन्ही शाळा शैक्षणिक क्षेत्रात आदर्श ठरत आहेत. या विद्यार्थ्यांचे यश हे पिंपरी-चिंचवड परिसरातील इतर शाळांसाठी प्रेरणादायक ठरत आहे.
निकालानंतर आनंदोत्सव; पालक व विद्यार्थी आनंदित
निकालानंतर शाळेच्या प्रांगणात फुलांचा वर्षाव, पेढे वाटप, आणि फोटोसेशन करत विद्यार्थ्यांनी व पालकांनी आनंद व्यक्त केला. शिक्षकांच्या चेहऱ्यावर समाधानाचे हास्य आणि विद्यार्थ्यांच्या चेहऱ्यावर यशाचे तेज दिसत होते.
