पुणे, ९ एप्रिल: पुण्यात एका २७ वर्षीय भूतानी तरुणीवर सात जणांनी सामूहिक अत्याचार केल्याची धक्कादायक घटना उघडकीस आली आहे. विशेष म्हणजे, या प्रकरणात राष्ट्रवादी काँग्रेसच्या माजी पदाधिकाऱ्याचाही समावेश असल्याने राजकीय वर्तुळात मोठी खळबळ उडाली आहे. पीडित तरुणी २०२० पासून पुण्यात राहत असून, शिक्षण आणि नोकरीच्या निमित्ताने ती येथे स्थायिक झाली होती.
शिक्षण आणि नोकरीच्या नावाखाली फसवणूक
मिळालेल्या माहितीनुसार, पीडित महिला मूळची भूतानची असून ती २०२० मध्ये भारतात बोध गया येथे आली होती. त्यानंतर पुण्यात शिक्षण घेण्यासाठी तिची ओळख ऋषिकेश नवले या व्यक्तीसोबत झाली. त्याने तिला आपल्या मित्र शंतनू कुकडे याच्याशी ओळख करून दिली. शंतनू कुकडे याने तिला पुण्यात राहण्यासाठी घर दिले आणि आर्थिक मदतीचे आमिष दाखवले. मात्र, या विश्वासाचा गैरफायदा घेत त्याने तिच्यावर लैंगिक अत्याचार केले.
गुन्ह्यातील मास्टरमाइंड – शंतनू कुकडे
शंतनू कुकडे हा पुण्यातील एका संस्थेचा संचालक असून, तो याआधीही लैंगिक अत्याचाराच्या गुन्ह्यात अडकला आहे. त्याच्यावर याआधी दोन तरुणींनी तक्रार दाखल केली होती. पोलिसांनी त्या प्रकरणात चौकशी सुरू केली असता आणखी धक्कादायक माहिती समोर आली.
पीडित तरुणीच्या तक्रारीनुसार, शंतनू कुकडे याने तिला फसवून शारीरिक संबंध प्रस्थापित केले. त्यानंतर त्याने आपल्या मित्रांना तिला भेटण्यास सांगितले. हळूहळू या मित्रांनीही वेगवेगळ्या ठिकाणी आणि वेगवेगळ्या वेळेस तिच्यावर अत्याचार केला.
अत्याचार करणाऱ्या आरोपींची यादी आणि अटक
या प्रकरणात पुणे पोलिसांनी खालील आरोपींना अटक केली आहे:
-
शंतनू कुकडे – मुख्य आरोपी
-
ऋषिकेश नवले
-
जालिंदर बडदे
-
उमेश शहाणे
-
प्रतीक शिंदे
-
ॲड. विपीन बिडकर
-
सागर रासगे
-
अविनाश सूर्यवंशी
-
मुद्दासीन मेनन
